中文王

當見到有人唱到上氣唔接下氣都繼續落力去唱，
有咩可能接受得到用假唱去休息呢種hea做心態做假唱理由。
小巨蛋又不只佢地演出過，
如果場地真係有問題，又唔見其他人選擇假唱。

幫佢地辯護既理由仲有好多，
要假唱去保養聲帶，
唔通佢地係最寶貴既歌手，
其他歌手就唔需要保護聲帶。
最離譜係避免走音影響觀眾，
假唱仲好過真唱，我都係第一次聽真唱不如假唱既道理。
驚走音又何必做歌手呢?

我明白有些情況例如失聲、音響問題等真係唱唔到，
但係次數唔會多，
好似之前younha都試過失聲要假唱，
不過演出完之後人地都用口型講返對唔住，
至於少女時代咁多次既假唱，
難度仲可以用呢d作藉口咩?
假唱之心都已經好明顯。
呢個世界冇又要成功又唔肯付出既道理，
要別人尊重應該先要尊重別人。