雖然我係本壇WF, 但係都想係度出個後記
=============================================================================
好耐都冇去睇演唱會啦，今次第一次為左追星去睇WG演唱會，仲要買VIP飛，以前從來都冇諗過。
當日4點去到，暫時都係好少人，到6點都唔見得好多人，跟住就開始擔心唔會真係咁靜，尤其是7點幾入到場見到都仲唔係好多人，個心仲驚，不過8點之後就越入越多人，仲見到好多小朋友一家大細捧場，到8點半差唔多全場爆滿。唔好以為因為有免費飛派，所以可以咁，自己諗下如果咁容易就唔會成日聽到D演場會6成滿之類嘅新聞。
講返演唱會，正如大馬站一樣都係以So Hot做開場，之前係場館裡面練習多次嘅應援口號終於可以大派用場，跟住再接I Wanna加上戴上墨鏡唱Goodbye，好型咁一連幾首快歌勁舞。熱身後先來個自我介紹，她們全晚主要是用英語溝通，說話後就來一首英文版的Nobody Rainstone Remix，然後就是This Time，WG要我們在和聲部份跟歌詞SAY YES，第一次跟左以前唱韓文版歡呼，第二、三次先記得SAY YES。
接著是SOLO部份，YU BIN先打頭陣，變身Rock女唱So What，最後行到我地面前停低唱，最型就係踢MIC果下，「砰」一聲好響。好快就輪到昭熙嘅single lady，性感上陣嘅饅頭身材真係好Fit。昭熙表演一完節拍即刻又起，惠林就接住Rap Lip Gloss，再黎一段Hip Hop舞Dance break，跟住加入埋譽恩同YU BIN係You're Out嘅音樂下一齊跳，然後拎起啦啦球就開始唱Headache同這儍瓜。Headache完嘅時候，YU BIN將個啦啦球拋去我前面個位，本來想搶，不過企得唔夠前被Eunice搶左。唱到這儍瓜時，戴紅色冷帽嘅饅頭走到過黎我地呢邊向我地揮手，近距離望饅頭好靚女，加上個LOOK真係超可愛。跟住唔停又黎一首Irony，繼續跳得咁勁。完左又去返譽恩SOLO唱Tainted Love，連跳幾首之後聽佢講兩句時真係索哂氣，真係唔可以唔佩服女皇，照樣唱到，最後HIGH到跳上鋼琴上面唱。然後到SUN YE出場唱You Raise Me Up，照舊一貫高水準演出。雖然片段全部都睇過，不過再睇返幾歲嘅SUN YE真係好得意。
到了慢歌時段先唱了一首I Tried, 然後就是男粉絲最期待的時刻, 就是唱Saying I Love You, 因為WG會請一個男粉絲上台, 唔知女皇係唔係見到ye eun impact D人, 特登揀自己人上台,不過佢真係勁似太陽, 我都忍唔住大叫一聲Tae Yang。佢就爽哂啦, 又拖手,又搭膊頭,再影相加送禮物, 羨慕死人。完左就播一條好有趣嘅短片, WG反串扮番Wonderful, ,不過佢地真係有交戲。
換左套衫就黎2DT, 跟住就係Rock版2DT同Nobody, 不過就係冇MTV world stage果下噴煙花嘅效果, 有就真係正呀。唱Tell Me之前, WG叫每一個區嘅觀眾分別嗌TELL ME TELL ME TELL TELL TELL TELL ME, 第一次唔知係唔係聽唔明英文, 第一次畀唔到反應, 我就係聽唔到而唔識嗌, 第二次就OK啦, 後來睇返片WG已經係咁叫觀眾要HIGH D, 似乎觀眾都係唔夠反應,。雖然佢地話係Last Song, 不過我知仲有一首Nobody未唱, 播完世界各地模仿Tell Me同Nobody嘅片段之後, 跟住就著上紅色火辣辣舞衣登場, 唱到I want nobody nobody but you走到過黎指向我地, 我地又指返佢地, 不過concert好快完, 冇encore, 完全唔夠喉, 但係冇辦法全世界都係咁既時間。
成個演唱會整體表現真係唔錯, 要rock又rock到, 勁舞又比到出黎, 唱歌方面今次真係好好, 係其他討論區聽人講都話唱得唔錯, 又肯同觀眾互動, 演出落力, 但係如果肯講多d廣東話同普通話就更加好。有d遺憾就係WG黎左香港幾日, 我連一個簽名都攞唔到。佢地遲d又去美國, 又唔知幾返黎亞洲呢邊, 希望快D出多D歌畀我地聽。
